Sankt-Peterburg markazida 11 nafar o‘zbekistonlik mushtlashdi
Politsiya ularni hibsga olgani, ularga nisbatan immigratsiya qonunchiligini buzganlik uchun 6 ta, mayda bezorilik uchun 8 ta bayonnoma tuzilgani aytilmoqda.
Rossiyaning Sankt-Peterburg shahri markazida o‘zbekistonlik fuqarolar bir ayol uchun mushtlashdi. Bu haqda Rossiya Ichki ishlar vazirligining Sankt-Peterburg va Leningrad viloyati bo‘yicha bosh boshqarmasi matbuot xizmati xabar berdi.
Qayd qilinishicha, 17 oktyabrga o‘tar kechasi Dostoyevskiy ko‘chasida ommaviy mushtlashuv sodir bo‘lgan. «Kattaqo‘rg‘on» kafesi yaqinida mojaro boshlangani haqidagi xabar kelib tushganidan so‘ng u yerga politsiya yetib borgan.
Huquq-tartibot idoralari xodimlari tomonidan ichki ishlar bo‘limiga 23 yoshdan 42 yoshgacha bo‘lgan 12 nafar O‘zbekiston fuqarosi, jumladan sartarosh bo‘lib ishlayotgan 34 yoshli ayol olib ketilgan. Ma’lum bo‘lishicha, aynan u tufayli ko‘chada janjal kelib chiqqan. Oqibatda ikki kishi yopiq bosh jarohati, miya chayqalishi va ko‘plab ko‘karishlar bilan shifoxonaga yotqizilgan.
Hibsga olinganlarga nisbatan immigratsiya qonunchiligini buzganlik uchun 6 ta, mayda bezorilik uchun 8 ta bayonnoma tuzilgani aytilmoqda. Bundan tashqari, tekshiruv natijalariga ko‘ra jinoyat ishi qo‘zg‘atilgan. Mojaroning to‘rt ishtirokchisi bezorilikda gumon qilinmoqda.
Mavzuga oid
19:32 / 10.10.2024
Jonli efirda «xotini qiz tug‘sa, chiqindiga tashlab yuborishi»ni aytgan tiktokerga jinoyat ishi qo‘zg‘atildi
16:19 / 09.10.2024
Britaniya aholisi migrantlar hisobiga so‘nggi 50 yil ichida eng yuqori darajada o‘sdi
21:00 / 07.10.2024
Ramzon Qodirov migratsiya siyosatida «o‘rta asr yondashuvlaridan» voz kechishga chaqirdi
21:22 / 04.10.2024