Xerson oblastidagi vayronalar va Donbassdagi jangchilar hayoti. Urush suratlari

Ukrainada urushning 661-kuni o‘tdi. Asosiy ma’lumotlar:

«Mediazona» va BBC Ukrainada halok bo‘lgani rasmiy manbalar orqali tasdiqlagan rossiyalik harbiylar soni 39 424 nafarga yetdi.
Vengriya Yevropaning Ukrainaga 50 milliard yevrolik yordam paketini blokladi.
Russian Field so‘roviga ko‘ra, rossiyaliklarning yarmidan ko‘p qismi og‘ir jinoyatlar sodir etishda qamalgan mahbuslar urushda ishtirok etgani uchun afv etilishini ma’qullamaydi.
Putin Donetsk va Luhanskka qadar yuqori tezlikda harakatlanuvchi poyezdlar uchun temiryo‘l qurilishini ma’lum qildi. Hozircha Rossiyada bunaqasi yo‘q.
Financial Times nashriga ko‘ra, AQSh Rossiyaning muzlatilgan aktivlarini «xalqaro huquqni buzmagan holda» musodara qilish yo‘lini topgan.
Germaniya mudofaa vaziri Boris Pistorius Yevropa yangi harbiy tahdidlarga tayyorlanishi kerak deb hisoblashini aytdi.
London meri Sodiq Xon utilizatsiya uchun mo‘ljallangan avtomobillarni Ukrainaga yuborishdan bosh tortdi.
Rossiya mudofaa vazirligi Qrimga dronlar orqali yoppasiga hujum uyushtirilgani haqida xabar berdi. Vazirlikka ko‘ra, yarimorol ustida 32 ta dron urib tushirilgan. O‘z navbatida, Rossiya qo‘shini ham Ukrainaga kamikadze dronlar bilan hujum qilgan, Ukraina qurolli kuchlari 30 ta dron urib tushirilgani haqida xabar bergan.

Xerson oblastida Visokopillya qishlog‘idagi bolalar hayoti

Visokopillya — Xerson oblasti shimolida, Kriviy Rihdan taxminan 70 kilometr masofada joylashgan shahar tipidagi posyolka. Rossiya qo‘shini Visokopillyani 2022 yil mart oyi o‘rtalarida okkupatsiya qilgan, o‘sha yil kuzida Ukraina qurolli kuchlari qarshi hujum natijasida ushbu posyolkani ozod etgan. O‘shanda Xerson oblasti harbiy ma’muriyati rahbari bo‘lgan Yaroslav Yanushevich janglar oqibatida Visokopillyadagi binolarning 80 foizi vayron bo‘lganini aytgandi. Urushga qadar bu yerda to‘rt mingdan ortiq kishi yashagan, okkupatsiya vaqtida mahalliy aholining asosiy qismi uylarini tashlab ketgan.