O‘zbekistonda 11 oyda qariyb 900 ming tug‘ilish qayd etildi

2023 yilning yanvar-noyabr oylarida FHDYo organlari tomonidan O‘zbekistonda 887 424 nafar tirik tug‘ilish holatlari qayd etilgan.

Statistika agentligining dastlabki ma’lumotlariga ko‘ra, bu ko‘rsatkich 2022 yilning mos davriga nisbatan 4,4 foizga oshgan.

2023 yilning 11 oyida tug‘ilganlarning:

• 459 701 nafari o‘g‘il bolalar;
• 427 723 nafarini qiz bolalar tashkil etgan.

Umumiy hisobda O‘zbekistonda 2023 yilning 11 oyida qiz bolalarga nisbatan o‘g‘il bolalar 31 978 nafar ko‘proq tug‘ilgan.

Ma’lumot uchun, 2022 yilda O‘zbekistonda 932 ming nafar tirik tug‘ilish holatlari qayd etilgan. Respublika aholisi 753,6 ming kishiga oshgan edi.