O‘zbekistonda Olmaota yaqinida qo‘sh qotillik sodir etganlikda gumonlangan shaxs ushlandi

Zakon.kz xabariga ko‘ra, ikki davlat huquqiy muhofaza qilish idoralari xodimlarining qo‘shma operatsiyasi Uchqo‘rg‘onda O‘zbekiston fuqarosining qo‘lga olinishi bilan yakunlandi. 

Qayd etilishicha, bu shaxs 12 yildan buyon qidiruvda bo‘lgan – 2012 yilda Olmaota viloyatining Yenbekshiqozoq tumanida vaqtincha ishlab yurib, pensionerlar uyiga kirib olgan va ularni o‘ldirib, mol-mulkini talon-toroj qilgan.

Umuman olganda, 2024 yil boshidan buyon Qozog‘iston politsiyachilari qidiruvdagi 58 nafar jinoyatchini qo‘lga oldi.

Ular orasida 2020 yilda Ostonada 144 ta aksiyadordan 4 milliard tenge yig‘ib, g‘oyib bo‘lgan MChJlardan birining asoschisi ham bor. Avvalroq uning ikki sherigi qo‘lga olingan edi.