Qashqadaryoda va Qoraqalpog‘istonda “valyutchik”lar ushlandi

Holatlar yuzasidan Jinoyat kodeksining tegishli moddasi bilan jinoyat ishlari qo‘zg‘atilib, tergov harakatlari o‘tkazilmoqda.

Foto: Prokuratura departamenti

Uchta tumanda valuta qimmatliklari noqonuniy muomalaga kiritilishining oldi olingan. Bu haqda Bosh prokuratura huzuridagi departament xabar bermoqda

Jumladan, departamentning Yakkabog‘ tuman bo‘limi, DXX va IIB xodimlari hamkorlikda o‘tkazgan tezkor tadbirda valuta ayirboshlash bilan shug‘ullanib kelgan I.J. 3 950 dollarni fuqaro B.K.ga 49,2 mln so‘mga sotgan vaqtida ashyoviy dalillar bilan ushlangan.

Departamentning Qamashi tuman bo‘limi va IIB xodimlari hamkorlikda o‘tkazgan tezkor tadbirda valuta ayirboshlash bilan shug‘ullanib kelgan T.M. hamda B.D. 3 000 dollarni fuqaro I.M.ga 37,5 mln so‘mga sotgan vaqtida ashyoviy dalillar bilan ushlangan.

Departamentning Amudaryo tuman bo‘limi, DXX va IIB xodimlari hamkorlikda o‘tkazgan tezkor tadbirda valuta ayirboshlash bilan shug‘ullanib kelgan B.A. fuqaro D.R.dan 3 500 dollarni 43,4 mln so‘mga sotib olgan vaqtida ashyoviy dalillar bilan ushlangan.

Qayd etilishicha, mazkur holatlar yuzasidan Jinoyat kodeksining 177-moddasi (valuta qimmatliklarini qonunga xilof ravishda olish yoki o‘tkazish) bilan jinoyat ishlari qo‘zg‘atilib, tergov harakatlari o‘tkazilmoqda.