Samarqandda ayol o‘z qaramog‘idagi 13 yoshli qizni kaltaklab kelgani aytilmoqda
Kun.uz'ga kelib tushgan murojaatda aytilishicha, Payariq tumanida yashovchi qizning onasi xorijga ketgan, qiz esa 150 dollar evaziga boshqa bir oilaning qaramog‘iga berilgan, lekin bu oilada zo‘ravonlikka uchramoqda.
Kun.uz'ga Samarqand viloyati Payariq tumanida 13 yoshli qizga nisbatan zo‘ravonlik bo‘layotgani haqida xabar kelib tushdi.
Murojaatchining aytishicha, qiz 78-maktabning 7-sinfida o‘qiydi. “Onasi Arabistoniga ketgani sababli” o‘quvchi 150 dollar evaziga bir oila qaramog‘iga berilgan.
“Qaramog‘iga olgan oila – 78-maktab direktorining ukasi. Men shu maktabda o‘qituvchi bo‘lib ishlayman. Bu qizchani qaramog‘iga olgan oila, ya’ni Mashhura ismli shaxs har kuni uni xo‘rlaydi.
Men rasmga olganim uchun direktor mendan hech qayerga murojaat qilmasligimni, rasmlarni o‘chirib tashlashimni talab qildi”, – deyiladi tahririyatga kelib tushgan xatda.
Murojaatchi yuborgan suratlarda qizning qo‘llari ko‘karib ketganini ko‘rish mumkin. Uning oila a’zolari nima sababdan xorijga ketgani va boshqa tafsilotlar hozircha ma’lum emas.
Kun.uz mas’ul tashkilotlardan holatga e’tibor qaratishni so‘rab qoladi.
Mavzuga oid
20:45 / 19.09.2024
“Zo‘ravonlik, samosud va qo‘rquv mashinasi bilan xodimlarni ishlatish qadriyatga aylangan” – Inbazar voqeasiga faollar nigohi
19:39 / 16.09.2024
Inbazar do‘konida xodimni urgan qorovul 7 sutkaga qamaldi
19:26 / 16.09.2024
Rossiyadagi maktabda o‘quvchi tengdoshlariga bolg‘a bilan hujum qildi
10:29 / 16.09.2024