Futzal bo‘yicha Osiyo kubogi-2024. O‘zbekiston Eronga penaltilar seriyasida yutqazib, finalga chiqa olmadi

Bangkokdagi uchrashuvning asosiy vaqtida vakillarimiz forslar bilan jangovar durang qayd etishdi – 3:3. Abror Axmetjanov dublga erishgan bo‘lsa, eronliklarning yana ikkita goli avtogol sifatida vakillarimiz nomiga yozildi.

Qo‘shimcha bo‘limlarda ham hisob o‘zgarmagach, hakamlar jamoalarni penaltilar seriyasiga taklif etishdi. Unda omad forslarga kulib boqdi – 5:4.

Shu tariqa, Eron finalga yo‘llanma olib, 28 aprel kuni Osiyo chempionligi nomi uchun mezbon Tailandga qarshi parketga tushadi. O‘zbekiston esa 3-o‘rin uchun bahsda Tojikistonga qarshi o‘ynaydi. Bronza uchun bahs ham 28 aprel kuni bo‘lib o‘tadi.

Futzal. Osiyo kubogi-2024. Yarim final
O‘zbekiston – Eron – 3:3. Penaltilar seriyasi – 4:5.
Gollar: Sunnatulla Jo‘rayev 7, Abror Axmetjanov 18, 35 – Mashrab Odilov 6 avtogol, Abror Axmetjanov 24, Behro‘z Azimi 28.
O‘zbekiston: 12.Abbos Elmurodov, 4.Ixtiyor Ropiyev, 6.Ilhom Hamroyev, 8.Husniddin Nishonov, 9.Elbek To‘lqinov.
Zaxira: 1.Sunnat Anvarov, 2.Fazliddin Botirov, 3.Mashrab Odilov, 5.Sunnatulla Jo‘rayev, 7.Dilshod Rahmatov, 10.Akbar Usmonov, 11.Abror Axmetzyanov, 13.Mehroj Xudoyberdiyev, 14.Samariddin Berkinov.
Eron: 1.Bagir Muhammadiy, 5.Muhammad Hussayn, 10.Salar Og‘apur, 11.Mahdi Karimi, 14.Behruz Azimi.