Yunusobodda bir nechta do‘konlar yonib ketdi

Poytaxt FVB yong‘in o‘chirilgani va hodisa oqibatida halok bo‘lgan va jabrlanganlar yo‘qligini ma’lum qildi.

Foto: Videodan kadr

10 avgust kuni soat 14:00larda Toshkent shahar Yunusobod tumanidagi eski do‘konlardan biri yonib ketdi. Natijada boshqa do‘konlarga ham yong‘in o‘tgani aytilmoqda.
Toshkent shahar FVB xabariga ko‘ra, yong‘in-qutqaruv texnikalari manzilga soat 14:08 da yetib borib, yong‘in soat 14:29 da o‘chirilgan. Shuningdek, rasmiylar hodisa oqibatida halok bo‘lgan va jabrlanganlar yo‘qligi aytilmoqda.
Yong‘in sababi va moddiy zarar miqdori aniqlanmoqda.

#yong‘in #Yunusobod tumani