Noyabrning 4-kunida Samarqand-Toshkent-Samarqand yo‘nalishida qo‘shimcha elektropoyezd qatnovi yo‘lga qo‘yiladi

Samarqandda o‘tishi reja qilinayotgan xalqaro yugurish marafoni munosabati bilan qatnovlar 1-4 noyabr kunlari amalga oshiriladi. Poyezdlar Samarqanddan ertalabki 10:20 da, Toshkentdan tushdan keyin 14:10 da yo‘lga chiqishi ko‘zda tutilgan.

Shu yil 2-3 noyabr kunlari Samarqand shahrida “Samarkand Marathon 2024” xalqaro yugurish musobaqasi o‘tkazilishi reja qilingan. Shu munosabat bilan “O‘ztemiryo‘lyo‘lovchi” AJ 1-4 noyabr kunlari “Samarqand — Toshkent — Samarqand” yo‘nalishida “Afrosiyob” elektropoyezdining qo‘shimcha qatnovi yo‘lga qo‘yilishini ma’lum qildi.

Qayd etilishicha, poyezd harakat jadvali quyidagicha bo‘ladi:

775-sonli “Samarqand — Toshkent” yo‘nalishi

Samarqand 10:20 — Toshkent 12:40

776-sonli “Toshkent — Samarqand” yo‘nalishi

Toshkent 14:10 — Samarqand 16:28

Ma’lumot uchun, “Samarkand Marathon” yugurish musobaqalari xayriya maqsadlarida o‘tkazib kelinadi. Unda har bir km yugurib yoki yurib o‘tilgan masofa uchun ma’lum summada pul belgilangan.