O‘zbekiston va Latviya migratsiya bo‘yicha bitim imzolash imkonini ko‘rib chiqmoqda
Tashrif bilan Riga shahrida bo‘lgan O‘zbekiston tashqi ishlar vazirining o‘rinbosari Olim Abdullayev 28 yanvar kuni Latviya tashqi ishlar vaziri Bayba Brajye bilan uchrashdi.

Foto: TIV
O‘zbekiston elchixonasi ma’lumotiga ko‘ra, uchrashuv chog‘ida Latviya tomoni mehnat migratsiyasi bo‘yicha doimiy muloqotni yo‘lga qo‘yish va Migratsiya bo‘yicha bitim imzolash imkoniyatlarini ko‘rib chiqishga tayyorligini bildirdi.
Tomonlar mehnat migratsiyasi sohasida o‘zaro hamkorlik, jumladan, muntazam maslahatlashuvlar o‘tkazish muhimligini qayd etdilar.
Bundan tashqari, Latviya TIV direksiyasi bosh direktori Agnesa Kalnina bilan muzokaralar olib borildi.
Latviya tomoni O‘zbekiston uning Markaziy Osiyo mintaqasidagi muhim hamkori ekanini alohida ta’kidladi.
Ikki mamlakatning mehnat migratsiyasi sohasidagi hamkorligi har ikki tomon uchun ham manfaatli va uzoq muddatli istiqbolga ega ekanligiga qat’iy ishonch bildirildi.
Tomonlar joriy yilda ikki davlat Tashqi ishlar vazirliklarining tegishli idoralari o‘rtasida konsullik maslahatlashuvlarini o‘tkazish to‘g‘risida kelishib oldilar.
Mavzuga oid

16:53 / 03.04.2025
AQSh elchisi o‘zbekistonlik noqonuniy migrantlarga murojaat qildi

21:14 / 02.04.2025
Rossiyada migrant bolalar uchun rus tili imtihoni shartlari kuchaytirildi

17:12 / 01.04.2025
1 apreldan Rossiyadagi migrantlarga bir qator cheklovlar kuchga kirdi

20:30 / 31.03.2025