Qoʻshimcha funksionallar
-
Tungi ko‘rinish
Rossiya tarixidagi eng katta olmos - «Yangi Quyosh» sayqallandi
O‘ta yirik o‘lchamdagi oltin rangli olmos kompaniya tomonidan Ebelyax Arktika konida qazib olingan.
Foto: Alrosa
«Alrosa» kompaniyasi Rossiya tarixidagi «Yangi Quyosh» nomli eng katta olmosni sayqallashni yakunladi.
O‘ta yirik o‘lchamdagi oltin rangli olmos kompaniya tomonidan Ebelyax Arktika konida qazib olingan. Sayqallashdan oldin uning og‘irligi taxminan 200 karat edi.
Sayqallash ikki yildan ortiq davom etdi. Kompaniyaning xabar berishicha, buning ustida 15 nafar mutaxassisdan iborat guruh ishlagan. Olmosning sayqallashdan keyingi og‘irligi 100 karatdan oshadi.
«Alrosa» «Yangi Quyosh»ni «so‘nggi yillarda qimmatbaho toshlar sanoatidagi eng muhim voqealardan biri» deb atadi.
«Alrosa» olmos ishlab chiqarish va zaxiralari bo‘yicha dunyodagi eng yirik kompaniyalardan biridir. Uning kon aktivlari Saxa Respublikasi (Yoqutiston) va Arxangelsk viloyatida joylashgan.
«Alrosa» olmos narxini e’lon qilmadi. Biroq, shunga o‘xshash va og‘irligi 110 karat bo‘lgan, 2010 yilda Janubiy Afrikada topilgan, «Quyosh tomchisi» deb nomlangan sariq olmos auksionda 12,4 million dollarga sotilgan edi.
Mavzuga oid
10:58 / 04.04.2025
NATO razvedkasi Rossiya armiyasining Ukrainadagi taxminiy yo‘qotishlarini ma’lum qildi
10:32 / 04.04.2025
AQSh: Rossiya Ukrainadagi urushda 4000 dan ortiq tankni yo‘qotdi
09:52 / 04.04.2025
Rossiya armiyasi Xarkivga hujum qildi: halok bo‘lganlar bor
08:33 / 04.04.2025