“Navoiyuran” davlat korxonasi ESG reytingini qo‘lga kiritdi

“Sustainable Fitch” reyting agentligi o‘z hisobotida “Navoiyuran” DKning barqarorlik strategiyasini bosqichma-bosqich joriy etayotgani, milliy va xalqaro me’yorlarga qat’iy amal qilayotganini ijobiy baholadi.

Korxonaning ekologik siyosati, asosiy ko‘rsatkichlarning oshkora e’lon qilinishi hamda oxirgi yillarda ekologik hodisalarning qayd etilmagani va Radioaktiv chiqindilarni boshqarish O‘zbekiston Respublikasining “Radiatsion xavfsizlik to‘g‘risida”gi qonuniga to‘liq mos ravishda amalga oshirilishi, Sog‘liqni saqlash vazirligi nazorati ostida olib borilayotgani alohida ta’kidlandi.

Ijtimoiy yo‘nalishda esa “Navoiyuran” DKning ichki siyosatlari, ochiqlik darajasi va so‘nggi yillarda ijtimoiy hodisalar qayd etilmaganligi yuqori bahoga sazovor bo‘ldi. Bu esa korxona xodimlari uchun xavfsiz va teng huquqli mehnat sharoitlarini yaratishga bo‘lgan e’tiborini ko‘rsatadi.

Korporativ boshqaruvda kompaniya milliy va xalqaro amaliyotlarga amal qilishi, Kuzatuv kengashi raisining va Bosh direktor vakolatlari ajratilgani korxona boshqaruvida muvozanat va mas’uliyatni ta’minlashda ijobiy omil sifatida qaraldi.

Mazkur ESG reyting, Yangi O‘zbekiston barqaror rivojlanish maqsadlariga erishishida “Navoiyuran” davlat korxonasi ham salmoqli hissa qo‘shayotgan ishonchli va barqaror kompaniyalar safidan o‘rin egallayotganini belgilab beradi.

“Navoiyuran” davlat korxonasi PR xizmati

Reklama huquqi asosida