Shimoliy Koreyaning raketa sinovlari uch davlat vakillari tomonidan muhokama qilindi
Yaponiya tashqi ishlar vaziri Fumio Kisida 6 mart kuni AQSh davlat kotibi Reks Tillerson va Janubiy Koreya tashqi ishlar va savdo vaziri Yun Byon Se bilan uch tomonlama telefon muloqoti o‘tkazdi. Bu haqda Yaponiyaning NHK telekanali ma'lum qildi.
Ma'lum qilinishicha, tomonlar 6 mart kuni Shimoliy Koreya tomonidan amalga oshirilgan raketa sinovlarini muhokama qilishgan. Ayni vaqtda bu haqda boshqa ma'lumot keltirilmagan.
Shimoliy Koreya 6 mart ertalab g‘arbiy sohillaridan Yapon dengizi tomon 4 ta raketa uchirgan. Yaponiya hukumati ma'lumotlariga ko‘ra, raketalar 1000 km ga yaqin masofani uchib o‘tgan va ulardan uchtasi Yaponiyaning dengizdagi iqtisodiy hududiga tushgan. Tokio Pxenyanning bu harakatlaridan keskin norozilik bildirib, diplomatik kanallar orqali Shimoliy Koreyaga norozilik notasi jo‘natgan.
Mavzuga oid
16:57
AQShda AirPods quloqchinlari o‘g‘irlangan Ferrari’ni topishga yordam berdi
20:47 / 02.10.2024
Muloyim durang – AQSh vitse-prezidentligiga nomzodlar debat o‘tkazdi
12:30 / 02.10.2024
AQSh Su-35'ning Alyaska yaqinidagi «xavfli manyovri»ni tanqid qildi
23:47 / 01.10.2024