Qoraqalpog‘istonda 1,8 milliard so‘mlik kurant quriladi

Qoraqalpog‘istonda 1 milliard 800 million so‘mlik kurant qurilishi boshlandi. Bu haqda Qoraqalpog‘iston axborot agentligi xabar bermoqda.

Foto: karakalpakstan.uz

Ma'lumotlarga ko‘ra, minora soati Qoraqalpog‘istonning Chimboy tumanida barpo etiladi.

Avvalroq, Qoraqalpog‘istonni rivojlantirish uchun hukumat tomonidan 43 trillion so‘m ajratilishi xabar qilingan edi. Mintaqada «Nukus siti» qurilishi rejalashtirilgan.

Umuman olganda, hududni rivojlantirish uchun 43 trillion so‘m ajratiladi, bunda - budjetdan 10 trillion so‘m, xalqaro moliya institutlari hisobidan 19 trillion so‘m va bank kreditlari hisobidan 14 trillion so‘m mablag‘ yo‘naltiriladi.