Tojikiston Qozog‘istonga 200 nafar harbiy jo‘natadi

Tojikiston tashqi ishlar vazirligi mamlakat KXShTga a’zolik doirasida Qozog‘istonga yordam berishga tayyorligini ma’lum qilgan.

Foto: AFP

Tojikiston Qozog‘istonga KXShT kuchlari tarkibida 200 nafar harbiy xizmatchisini jo‘natadi. Bu haqda o‘z manbalariga tayanib RIA «Novosti» xabar berdi.

«Barcha harbiy xizmatchilar tinchlikparvar kuchlar tarkibiga kiradi. Ular KXShTning antiterror mashg‘ulotlarida bir necha marta ishtirok etgan», — degan manba.

Manbaning qo‘shimcha qilishicha, harbiylar tartib saqlash va obektlarni qo‘riqlashda yordam beradi.

Shu bilan birga, Tojikiston tashqi ishlar vazirligi mamlakat KXShTga a’zolik doirasida Qozog‘istonga yordam berilishini ma’lum qilgan.

Avvalroq Qozog‘istonga KXShT kollektiv kuchlari tarkibidagi Rossiya havo-desant qo‘shinlari yetib kelgani xabar qilingandi.

Tayyorlagan Дилшод Аскаров

#KXShT #Qozog‘iston #Tojikiston

2 yanvar kuni Qozog‘istonning Mang‘istau oblastida suyultirilgan gaz narxi ikki baravarga ko‘tarilganidan norozi bo‘lgan qozog‘istonliklar ommaviy mitingga chiqishdi va keyingi kunlarda namoyishlar butun mamlakat bo‘ylab yoyildi.