Rossiyadan Xorazmga yangi aviaqatnov yo‘lga qo‘yildi

6 iyul kuni Rossiyaning «Azimut» aviakompaniyasi Mineralniye Vodi – Urganch – Mineralniye Vodi yo‘nalishi bo‘yicha ilk parvozni amalga oshirdi. SSJ-100 samolyoti bortida 92 yo‘lovchi bilan Urganch xalqaro aeroportiga qo‘ndi. 

An’anaga ko‘ra, ilk yo‘lovchi parvozini amalga oshirgan havo kemasi suv arkasi bilan tantanali ravishda kutib olindi.

Mineralniye Vodi – Urganch – Mineralniye Vodi yo‘nalishi bo‘yicha parvozlar muntazam ravishda SSJ-100 samolyotlarida haftada bir marta, chorshanba kunlari amalga oshiriladi. 

Shuningdek, yaqin kelajakda aviakompaniya Mineralniye Vodi shahridan Toshkentga ham parvozlarni yo‘lga qo‘yishni rejalashtirmoqda.