Qoʻshimcha funksionallar
-
Tungi ko‘rinish
Bektemir Meliqo‘ziyev amerikalik bokschini nokautga uchratdi
Bu o‘zbekistonlik bokschining profi boksdagi 11-g‘alabasi bo‘ldi. U shundan 9 tasida raqiblarni nokaut holatiga tushirgan.
Foto: Golden Boy Promotions / Cris Esqueda
Professional boksning super o‘rta vazn toifasida harakat qilayotgan Bektemir Meliqo‘ziyev (11-1, 9 KO) o‘zining navbatdagi jangini o‘tkazdi.
AQShning Inglvud shahrida (Kaliforniya shtati) o‘tkazilgan boks oqshomida o‘zbekistonlik sportchiga amerikalik Ulises Sierra (17-3-2, 10 KO) raqib bo‘ldi.
Bektemir Meliqo‘ziyev 3-raund tugashiga 5 soniya qolganda tana qismiga berilgan navbatdagi zarba bilan raqibini nokautga uchratdi va WBO Global chempionlik kamarini qo‘lga kiritdi.
Jang O‘zbekiston vakilining ustunligida boshlandi. Uchinchi raundning so‘ngida Bektemir raqibining tana qismiga kuchli zarba yo‘llab, Sierrani nokautga uchratdi.
Ushbu g‘alaba evaziga Meliqo‘ziyev WBO Global mintaqaviy kamariga ega chiqdi. Ushbu kamar WBO reytingi uchun muhim reyting ochkolarini beradigan eng nufuzli mintaqaviy kamar hisoblanadi.
Mavzuga oid
17:23 / 04.11.2024
O‘zbekiston – World Boxing tashkiloti a’zosiga aylandi
09:34 / 03.11.2024
Bektemir Meliqo‘ziyev og‘ir kechgan jangda ochkolar hisobiga ko‘ra g‘alaba qozondi
10:17 / 09.10.2024
Isroil Madrimovning keyingi raqibi va jang sanasi ma’lum qilindi
10:17 / 22.09.2024