Xitoy-Qirg‘iziston-O‘zbekiston temiryo‘li qurilishi yozda boshlanishi mumkin
Bungacha liniya yotqizish ishlarini boshlash sanasi sifatida oktyabr oyi qayta-qayta tilga olingandi.
Xitoy – Qirg‘iziston – O‘zbekiston temiryo‘li qurilishi yaqin oylarda boshlanishi mumkin, deya xabar bermoqda Kloop Qirg‘iziston bosh vaziri Oqilbek Japarovga tayanib.
Jo‘qorg‘i Keneshning 13 iyun kuni bo‘lib o‘tgan yig‘ilishida respublika hukumati rahbari avgust oyida uch davlat rahbarlarining uchrashuvi rejalashtirilganini ma’lum qildi. Shu bilan birga, uning so‘zlariga ko‘ra, o‘shanda ishlarning rasmiy boshlanishi marosimi bo‘lib o‘tadi.
Japarovning ta’kidlashicha, o‘tgan hafta Xitoy, Qirg‘iziston va O‘zbekiston transport vazirlari liniya loyihasi bo‘yicha kelishuv imzolagan. Hujjat hamkorlik, jumladan, moliyalashtirishning asosiy tamoyillari va mexanizmlarini belgilaydi.
«Nihoyat, mamlakatimizni yirik savdo-ishlab chiqarish markaziga aylantiruvchi loyiha amalga oshirila boshlandi», – dedi Japarov.
6 iyun kuni O‘zbekiston Transport vazirligi rahbari Ilhom Mahkamov yaqin kelajakda davlatlar moliyalashtirish shartlarini belgilab beruvchi temiryo‘l bo‘yicha konsessiya shartnomasini tuzishini ma’lum qildi. Unga ko‘ra, tamal toshini oktyabr oyida qo‘yish rejalashtirilgan.
Qirg‘iziston prezidenti Sadir Japarov ham may oyida xuddi shunday muddatni belgilagan edi. Uning ta’kidlashicha, bo‘lajak liniya respublika uchun «dunyoga deraza»ga aylanadi.
Mavzuga oid
11:41 / 20.09.2024
Dashtobod temiryo‘l stansiyasi boshlig‘i pora olgan vaqtida ushlandi
20:50 / 17.09.2024
Rossiyalik bloger O‘zbekiston poyezdidagi sayohatni «haqiqiy sinov» deb ta’rifladi
23:57 / 13.09.2024
Estoniya Rail Baltic loyihasini moliyalashtirishga 200 mln yevro yo‘naltiradi
20:48 / 13.09.2024