"Emmi" mukofoti sohibasi Trampni Gitlerga qiyosladi

"Emmi" mukofoti sovrindori Jill Solouey AQSh prezidentligiga Respublikachilar partiyasidan nomzodi qo‘yilgan Donald Trampni Adolf Gitlerga qiyoslab, uni "eng xavfli mahluqlardan biri", deb atadi. Bu haqida Associated Press ma'lum qildi. 

"Trampni Gitlerning merosxo‘ri deb atash kerak bo‘lsa, mana men shunday qilaman", - dedi Solouey "Hammasi ayon" komedik seriali uchun "eng yaxshi rejissyor" mukofotini qo‘lga kiritganidan so‘ng.

U avval Trampni Gitler kabi insonlarni, shu jumladan nogironlar, musulmonlar, Lotin Amerikadan kelib chiqqan amerikaliklar va "go‘zallik tanlovi ishtirokchilaridek ko‘rinishga ega bo‘lmagan" ayollarni ajratishini aytgandi.