Yangi milliy tabiat bog‘i va davlat qo‘riqxonasi tashkil etiladi

Muhofaza etiladigan tabiiy hududlar maydonini kengaytirish, moddiy-texnik bazasini mustahkamlash va ularning hududlarida ekoturizmni rivojlantirish mo‘ljallanmoqda. Bu haqda 2021 yildagi davlat dasturi loyihasida aytilgan.

Vazirlar Mahkamasining qarori loyihasi ishlab chiqiladi. Loyihada:

“Markaziy Qizilqum” milliy tabiat bog‘i, “Oqtog‘ (Tomdi)” davlat qo‘riqxonasi tashkil etish;
“Janubiy Ustyurt”, “Markaziy Qizilqum” milliy tabiat bog‘lari, Sudoche-Akpetki davlat buyurtma qo‘riqxonasining moddiy-texnik bazasini mustahkamlash va ekoturizmni rivojlantirish nazarda tutiladi.

Bajarish muddati - 2021 yil 1 dekabr, mas'ullar - Davlat ekologiya qo‘mitasi, Moliya vazirligi, O‘rmon xo‘jaligi davlat qo‘mitasi, Fanlar akademiyasi, Davlat soliq qo‘mitasi qoshidagi Kadastr agentligi, manfaatdor vazirlik va idoralar, Qoraqalpog‘iston Respublikasi Vazirlar Kengashi, viloyatlar hokimliklari.