Denovda qariyb 13 million so‘mlik giyohvandlik moddasi savdosiga chek qo‘yildi

Foto: IIBB axborot xizmati

Denovda 37 dona gugurt qutisiga joylangan marixuanani qariyb 13 million so‘mga sotayotgan shaxs ushlangan. Bu haqda viloyat IIB axborot xizmati xabar bermoqda.

Ma'lum qilinishicha, 2021 yil 22 oktabr kuni soat 19:20 larda, viloyat IIB Terrorizm va ekstremizmga qarshi kurashish boshqarmasi xodimlari tomonidan Denov tumani Shamoli mahallasi hududida tezkor tadbir o‘tkazilgan.

Tadbirda Jarqo‘rg‘on tumanida yashovchi K.S. o‘z boshqaruvidagi «Damas» mashinasida mijozga 37 dona gugurt qutisida bo‘lgan sof vazni 113.03 gramm “marixuana” giyohvandlik vositasini 12 million 950 ming so‘mga sotayotgan vaqtida ushlangan. Undan ashyoviy dalillar tegishli tartibda hujjatlashtirib olingan.

Qayd etilishicha, joriy yil 25 oktabr kuni K.S.ga nisbatan Jinoyat kodeksining 273-moddasi 5-qismi bilan jinoyat ishi qo‘zg‘atilgan.

Surxondaryoda 143 dona gugurt qutisiga joylashgan marixuanani 35,7 million so‘mga sotayotgan shaxs ushlandi

Denovda giyohvandlik o‘simligini yetishtirgan shaxsga jinoiy ish qo‘zg‘atildi