Asakada 10 ga yaqin daraxt kesilishi ortidan tabiatga 18 million 360 ming so‘m zarar yetkazilgan

Bosh prokuratura axborot xizmatining ma’lum qilishicha, tegishli hujjatlar sudga yuborilgan.

“Asakada 10 ga yaqin ko‘p yillik daraxt kesib yuborilgani holati yuzasidan “Asaka v.l.” xususiy korxona rahbariga nisbatan Ma’muriy javobgarlik to‘g‘risidagi kodeksning 79-moddasi (daraxtlarni, butalarni, boshqa o‘simliklarni va nihollarni qonunga xilof ravishda kesish, kundakov qilish, shikastlantirish, yo‘q qilish yoki boshqa joyga ko‘chirib o‘tkazish) 1-qismi bo‘yicha to‘plangan ma’muriy javobgarlikka oid ish hujjatlari sudga yuborildi”, – deyiladi prokuratura xabarida.

Qayd etilishicha, ushbu holatda tabiatga 18 mln 360 ming so‘m miqdorida zarar yetkazilgani aniqlangan.