Qozog‘istondan Tojikiston va O‘zbekistonning 30 nafar fuqarosi chiqarib yuborildi
Olmaotada tezkor-profilaktika tadbiri davomida noqonuniy muhojirlar aniqlangan.
Tojikiston va O‘zbekistonning 30 nafar fuqarosi Olmaota politsiyasi tomonidan mamlakatdan chiqarib yuborildi, deb yozadi Orda.kz nashri Polisia.kz’ga tayanib.
Migratsiya xizmatidan aniqlik kiritilishicha, «Uchastok» tezkor-profilaktika tadbiri davomida noqonuniy muhojirlar aniqlangan.
«Megapolisdagi 18 kunlik ish davomida jami 2380 nafar qoidabuzar aniqlandi, ulardan 813 nafari xorijliklar. Ular Qozog‘iston Respublikasi Ma’muriy javobgarlik to‘g‘risidagi kodeksining 517-moddasiga asosan ma’muriy javobgarlikka tortildi. Shaxsini tasdiqlovchi hujjati bo‘lmagan 387 nafar xorijlik fuqaro politsiya departamenti vaqtincha saqlash muassasasiga yuborildi. Shu bilan birga, Qozog‘istonda xorijliklarning bo‘lishi tartibiga rioya qilmagan 349 nafar fuqaroga nisbatan ma’muriy ta’sir choralari ko‘rildi», - dedi Olmaota politsiya departamenti migratsiya xizmati boshqarmasi boshlig‘i Asxat Butunchinov.
Bundan tashqari, ichki ishlar organlari tomonidan 30 nafar huquqbuzarni davlat chegarasigacha olib o‘tish ishlari tashkil etildi. Ushbu maqsadlar uchun ko‘p o‘rinli avtobus berilgan. Xorijliklar «Jibek Joli» nazorat-o‘tkazish punktida davlat chegarasigacha kuzatib qo‘yilgan.
Mavzuga oid
22:55 / 12.10.2024
Tojikiston Ombudsamni migrantlar huquqlari buzilayotgani sababli Rossiya rasmiylariga murojaat qildi
16:19 / 09.10.2024
Britaniya aholisi migrantlar hisobiga so‘nggi 50 yil ichida eng yuqori darajada o‘sdi
21:00 / 07.10.2024
Ramzon Qodirov migratsiya siyosatida «o‘rta asr yondashuvlaridan» voz kechishga chaqirdi
21:22 / 04.10.2024