Xalqaro migratsiya tashkiloti O‘zbekistonda yangi loyihalarni amalga oshiradi

O‘zbekiston TIV rahbarining o‘rinbosari XMT mintaqaviy direktori bilan mehnat muhojirlari huquqlarini ta’minlash va odam savdosiga qarshi kurashish sohasida hamkorlik masalalarini muhokama qildi.

Foto: Anvar Ilyosov

O‘zbekiston tashqi ishlar vazirining o‘rinbosari Bahrom A’loyev Xalqaro migratsiya tashkilotining (XMT) Janubi-Sharqiy, Sharqiy Yevropa va Markaziy Osiyo bo‘yicha mintaqaviy direktori Manfred Profazini qabul qildi.

TIV ma’lumotiga ko‘ra, uchrashuvda tomonlar O‘zbekiston va XMT o‘rtasidagi hamkorlikning dolzarb masalalarini muhokama qildi.

Mehnat migrantlari huquqlarini ta’minlash, odam savdosiga qarshi kurashish va boshqa sohalarda ikki tomonlama hamkorlikni yanada rivojlantirish yuzasidan fikr almashildi.

XMTning Toshkentdagi vakolatxonasi tomonidan O‘zbekistonda yangi loyihalarni amalga oshirish istiqbollari ko‘rib chiqildi.

#migratsiya #Bahrom A’loyev

Kun.uz yangiliklarini Google News'da kuzating

+ Obuna bo'lish