Qoʻshimcha funksionallar
-
Tungi ko‘rinish
Toshkentda erkak 3 yoshli bolani qasddan pichoqlab o‘ldirdi
Yashnobod tumanida 30 yoshli erkak qonuniy nikohdan o‘tmasdan yashab kelgan ayolining birinchi turmushidan 2021 yilda tug‘ilgan farzandiga pichoq bilan tan jarohatlari yetkazib, hodisa joyidan yashiringan. Bola shifoxonaga olib kelingunga qadar vafot etgan.
Foto: Ijtimoiy tarmoqlar
Toshkent shahrining Yashnobod tumanida erkak yosh bolaga 12 marta pichoq urib, uni o‘ldirgani haqidagi xabarlar tarqaldi.
Bosh prokuratura axborot xizmati rahbari Hayot Shamsuddinovning Kun.uz’ga ma’lum qilishicha, 9 iyul kuni Yashnobod tumani, Yakkatol ko‘chasidagi ko‘p qavatli uyda ijara asosida yashab kelayotgan 30 yoshli erkak ushbu manzilda qonuniy nikohdan o‘tmasdan yashab kelgan ayoli bilan janjallashib qolgan.
Janjal oqibatida erkak ayolning birinchi turmushidan 2021 yilda tug‘ilgan o‘g‘il farzandiga pichoq bilan bir necha marotaba tan jarohatlari yetkazib, hodisa joyidan yashiringan. Bola shifoxonaga olib kelingunga qadar vafot etgan.
Holat bo‘yicha Yashnobod tuman prokuraturasi tomonidan Jinoyat kodeksining 97-moddasi (qasddan odam o‘ldirish) bilan jinoyat ishi qo‘zg‘atilib, gumonlanuvchi protsessual tartibda ushlangan.
Mavzuga oid
15:45 / 18.03.2025
Toshkentda noma’lum shaxs 12 yoshli qizga hamla qildi. U ruhiy xasta ekani ma’lum bo‘ldi
20:52 / 15.03.2025
Germaniyada tibbiyot xodimi smenani «tinch o‘tkazish» uchun 9 kishini o‘ldirganlikda ayblandi
11:53 / 10.03.2025
Ozodlikdan mahrum qilingan 20 ming kishi, 4 barobarga oshgan talon-torojlar – jinoyatchilik statistikasi
18:08 / 28.02.2025