Jazirama issiq tufayli poyezdlar harakat tezligiga cheklovlar o‘rnatiladi

Harakat tezligiga cheklovlar o‘rnatilgan poyezdlarda sovitish tizimining ishlash quvvati ham pasayishi mumkin.

Foto: Wikipedia

«O‘zbekiston temiryo‘llari» AJ jazirama issiq tufayli poyezdlar harakat tezligiga cheklovlar o‘rnatilishini e’lon qildi.

«Respublikamiz hududida keskin anomal issiq ob-havo kuzatilmoqda… Natijada yerusti temiryo‘llarining relslari hamda ularning po‘lat qismlarida harorat juda yuqori bo‘ladi. Shu bois, yo‘lovchilar va poyezdlar harakat xavfsizligini ta’minlash maqsadida, poyezdlar harakat tezligiga cheklovlar o‘rnatiladi. Shu bois poyezdlar harakat jadvalidan kechikib harakatlanishi mumkin», deyiladi xabarda.

Shuningdek, harakat tezligiga cheklovlar o‘rnatilgan poyezdlarda sovitish tizimining ishlash quvvati pasayishi mumkinligi ham aytilmoqda.

Cheklovlar qachongacha amal qilishi xabarda keltirilmagan.